Qisqa va aniq
Savol va javoblar
Agar javob shu yerda boʻlmasa — kiyib koʻrish paytida yoki telefon orqali soʻrang, ochiq javob beramiz.
Ijara qancha turadi?
Narx har bir model kartochkasida koʻrsatilgan — modelga qarab 100 000 dan 600 000 soʻmgacha. Narxga uch kunlik ijara kiradi.
Kostyum necha kunga beriladi?
Asosiy muddat — uch kun: tadbirdan oldingi kun, tadbir kuni va qaytarish kuni. Muddatni uzaytirish oʻlchov paytida muhokama qilinadi.
Oʻlchov uchun oldindan yozilish kerakmi?
Ha. Biz oldindan yozilish asosida ishlaymiz: shunda siz bilan alohida maslahatchi shugʻullanadi va kerakli oʻlchamlar siz kelguningizga tayyor boʻladi.
Tadbirdan qancha vaqt oldin kelish kerak?
Eng maʼqul vaqt — ikki hafta oldin. Bu tanlash va figura boʻyicha moslashga yetadi. Toʻy mavsumida — uch-toʻrt hafta oldin.
Kostyum figura boʻyicha moslashtiriladimi?
Ha. Shim uzunligi narxga kiritilgan. Qolgan ishlar — yeng, yon choklar, buyum uzunligi — oʻlchov paytida muhokama qilinadi.
Toʻplamga nima kiradi?
Toʻliq obraz beriladi: kastyum, shim, koʻylak, tufli, remen, soat, galstuk va babichka. Aksessuarlar kostyumga bonus tariqasida beriladi — ular uchun alohida toʻlov yoʻq. Modelning aniq tarkibi kartochkada koʻrsatilgan.
Garov kerakmi?
Garov olinmaydi. Rasmiylashtirish tartibi oʻlchov paytida tushuntiriladi.
Oʻgʻil bolalar uchun kostyumlar bormi?
Yoʻq, hozircha faqat kattalar oʻlchamlari — 46–62. Bitiruv kechasi uchun esa guruh yigʻamiz: sinfga 10–15 ta bir xil kastyum, fotosessiya va tantana uchun.
Savollaringiz qoldimi?
Joyida hal qilish osonroq: kiyib koʻrish taxminan yarim soat vaqt oladi.